Shqipëri-Maqedoni e Veritu, “one stop shop” në Qafë Thanë

113 563 lexime

124,178FansaPëlqeje

Ministrja e Financave dhe Ekonomisë, Anila Denaj, zhvilloi një vizitë zyrtare në Maqedoninë e Veriut, ku u prit nga homologët përkatës, Ministrja e Financave, Nina Angelovska, dhe Ministri i Ekonomisë, Kreshnik Bekteshi, me të cilët ndanë eksperiencat financiare dhe ekonomike mes dy vendeve tona, të cilat kanë tashmë një drejtim të përbashkët, atë drejt Integrimit Europian.

Gjatë takimit me Ministren e Financave u diskutua mbi praktikat e administrimit tatimor, përpjekjet kundër informalitetit në tregun e punës dhe evazionit fiskal. Ministrja Denaj prezantoi nismat ligjore të Shqipërisë në kuadër të qëndrueshmërisë së të ardhurave, faturimit elektronik dhe mbështetjes së sektorëve strategjikë.

Të dy vendet zbatojnë marrëveshjet e tatimit të dyfishtë mbi të ardhurat dhe kapitalin, prej 20 vitesh, dhe janë bashkërisht të angazhuar në incentivat e OECD-sëpër taksimin ndërkombëtar dhe erozionin e bazës së tatueshme (BEPS).

Takimi konsistoi në shkëmbimin e eksperiencave të dy vende në luftën ndaj evazionit fiskal dhe punës në të zezë, e cila do të formalizohet në nënshkrimin e një marrëveshje bashkëpunimi mes administratave fiskale respektive brenda muajit shkurt.

“Me Ministren e Financave pamë të nevojshme krijimin e një kuadri të bashkëpunimi brenda asaj që quhet marrëveshje kuadër bashkëpunimi, në mënyrë që grupet tona teknike të bashkërendojnë në mënyrë permanente në fushën e politikave fiskale, por edhe të administrimit fiskal. Jemi duke bashkërenduar veprimtaritë tona të këmbimit të eksperiencave në aspekt të luftës kundër informalitetit dhe të nxitjes në mënyrë të vullnetshme të pagimit të taksapaguesve”, tha Denaj.

Gjatë takimit të zhvilluar me Ministrin Bekteshi, diskutimet u përqendruan në politikat zhvilluese ekonomike, sidomos ato të zonave të lira ekonomike, ku Maqedonia e Veriut ka një eksperiencë të mirë, por edhe mbi mundësinë e krijimit të lehtësive mes bizneseve të dy vendeve. Gjithashtu, u diskutua për përfundimin e negociatave për pikën e përbashkët kufitare në Qafë Thanë, duke synuar krijimin e një “one stop shop” për të gjithë shërbimet.

Lexo edhe :  Hapen thirrjet për kredi me 0% interes! Gonxhe: 530 kuota për punonjësit e administratës

“Besoj që jemi drejt finalizimit të kësaj marrëveshjeve dhe jemi të sigurt se brenda disa javëve do të dalim me një kuadër të firmosur, edhe në raport me pikën doganore të Qafë Thanës, për ta parë si një pikë ku shërbimi të jetënë një format “one stop shop”, ku kryhet një procedurë doganore dhe ku procesi i kalimit të mallrave të jetë më i shpejtë dhe pa burokraci, ku edhe pjesa e dokumenteve të jetë më e thjeshtuar dhe të njohim dokumentet respektive të vendeve, kur vjen çështja e kalimit të mallrave në pikat e kalimit doganor”, u shpreh Ministrja.

– Aktualisht ka filluar implementimi i projektit të rëndësishëm me Bankën Botërore “Ëestern Balkans Trade and Transport Facilitation Project”, ku një komponent i rëndësishëm, me një fond prej 2,000,000 USD, do të konsistojë në përmirësimin infrastrukturor, shkëmbimin elektronik të të dhenave, duke siguruar lehtësimin e tregtisë mes vendeve tona që pa dyshim do të nxisë rritjen e bashkëpunimit tregtar.

Shqipëria dhe Maqedonia e Veriut janë angazhuar të ndjekin rrugëtimin drejt Bashkimit Evropian, me mbështetjen dhe inkurajimin e vendeve partnere dhe Komisionit Evropian. Në këtë aspekt, shkëmbimi i eksperiencave në fushën e përafrimit të legjislacionit europian ishte një tjetër pikë diskutimi gjatë takimve të zhvilluar nga Ministrja Denaj me homologët e Maqedonisë së Veriut.

Të fundit

Donnarumma i jashtëzakonshëm, PSG eliminon Liverpoolin nga Champions League

PSG ka shkaktuar një surprizë që pakkush e mendonte të mundur, teksa ka eliminuar Liverpoolin në Ligën e Kampioneve....

Inter kalon pa probleme Feyenoordin dhe “peshkon” Bayernin në raundin e 1/8-ave

Interi ka bërë detyrën në shtëpi duke mposhtur Feyenoordin me rezultatin 2 me 1 në duelin e kthimit të Champions-it duke u kualifikuar për...

Leksion edhe në “Bay Arena”, Bayern Munich vulos kualifikimin ndaj Leverkusenit

Bayern Munich ka vulosur një kualifikim të pastër në çerekfinalet e Ligës së Kampioneve pasi ka mundur në të dy ndeshjet “makthin” e sezonit...

Ç’mund të ndodhë me trupin e njeriut nëse qëndron në hapësirë ​​për disa muaj

Koha e zgjatur në hapësirë ​​është e dëmshme për shëndetin, që do të thotë se astronautët që kthehen zakonisht kanë një sërë sfidash unike për të...

Pesë kurat më të mira për ngërçet në këmbë

Nëse do t’iu duhej të përmblidhnit përvojën e një ngërçi në këmbë me një fjalë të vetme, fjala “torturë” mund të jetë më e...

Lajme të tjera

Web TV