Është hedhur shorti për kampionatin e dytë Europian të futbollit Amputee (njohur ndryshe si futbolli i personave me aftësi të kufizuara).
Në një postim në faqen zyrtare të UEFA-s në “Instagram” bëhet me dije se ky kampionat do të startojë më 13 shtator në Poloni dhe do të zgjasë deri më 20 shtator.
Plot 16 skuadra të kombeve të ndryshme do jenë pjesë e këtij kompeticioni dhe nga vetë pyetja e ngritur nga UEFA duket se skuadra pretendente është përfaqësuesja e Turqisë.
Ndërkohë theksojmë se hyrjet për të ndjekur nga afër këto takime do të jenë falas për të gjithë spektatorët.
“Është hedhur shorti për kampionatin e dytë europian të futbollit Amputee, kush mendon se mund ta sfidojë Turqinë për çmimin e madh në Krakov këtë Shtator?
Turneu do të zhvillohet nga 13-20 shtatori në Poloni, me skuadrat amputee të futbollit të 16 kombeve që marrin pjesë në vendet ku ndodhen.
Hyrjet për të gjitha ndeshjet do të jenë falas për spektatorët dhe do transmetohen drejtpërdrejt në internet.”-thuhet në reagimin e UEFA-s./ Fjala.al/Katerina Tafa/
