Një ciklon pritet të godasë Europën në fundjavë. Cikloni Kiara do të sjellë nga Atlantiku stuhi ere me shpejtësi mbi 130km/h dhe dallgëzim 10 ballë. Kushtet ekstreme në fundjavë pritet të prekin Britaninë dhe Europën Perëndimore.
Stuhia “Kiara” do të shoqërohet edhe me reshje shiu të cilat pritet të jenë mbi 100mm në 24 orë, në shumë qytete në Hollandë, Belgjikë dhe Britani.
Por, për shkak të temperaturave të larta në zonat perëndimore të Europës, priten rrebeshe shiu, stuhi breshëri dhe shumë më pak dëborë.
Pritet që stuhia Kiara të depërtojë drejt Europës qendrore javën e ardhshme duke prekur brigjet perëndimore të Ballkanit mesjavën që vjen.
