Mediat britanike raportojnë se janë anuluar të paktën 200 fluturime. Raportohet pezullimi i fluturimeve në Glasgow, Manchester and Liverpool. Shkak i anulimit apo shtyrjes së fluturimeve është moti i keq.
Britania pritet të goditet nga stuhia më e fortë në 7 vitet e fundit që do të sjellë erëra me forcë deri në 145 km/h.
Meteorologët njoftojnë se stuhia “Ciara” pritet të godasë vendin mesnatën e së shtunës e ndërsa autoritetet paralajmërojnë probleme me transportin në shumë zona.
Por nuk do të jenë vetëm avionët ata që do të kenë probleme, shumë linja hekurudhore dhe akse rrugore pritet të shfaqin probleme për pasagjerët, për shkak të reshjeve të shumta që do të sjellë me vete kjo stuhi.
