Pas krijimit të qeverisë së Kosovës, Prishtina dhe Beogradi do të duhet të ulen në tryezë për të diskutuar çështjet e lënë pezull nga qeveritë e mëparshme.
Nga ana e tij, kryeministri i ri Albin Kurti ka deklaruar se së pari do të merret me çështjet e brendshme që preokupojnë Kosovën dhe më pas do të vendosë të ulet në bisedime me Serbinë. Por, në Perëndim nuk mendojnë kështu.
Dhe nuk ka zgjatur shumë, kancelarja gjermane e cila ka sugjeruar si të dërguarin special të Bashkimit Evropian Mirolav Lajçak për dialogun Kosovë-Serbi, ka thirrur Albin Kurtin bashkë me presidentin serb Aleksandër Vuçiç.
Sipas medias serbe, kancelarja Merkel pritet që t’i prezantojë presidentit serb ‘planin për Kosovën’.
“Një pjesë e madhe e këtij takimi do t’i kushtohet çështjes së të dërguarit të ri të BE-së për bisedimet Prishtinë-Beograd dhe agjendën e tij të ardhshme. Vuçiç mund të zbulojë pastaj se në çfarë drejtimi do të shkojnë bisedimet që do t’i udhëheqë Miroslav Lajcak”, shkruajnë mediat serbe.
Megjithatë, Brukseli i ka cilësuar spekulimet raportimet rreth emrit të Miroslav Lajçak, si i dërguar special i BE-së për dialogun Kosovë-Serbi. Por, sipas tyre procesi është vetëm në hapat e parë dhe janë shumë larg vendimmarrjes. E në një përgjigje të para pak ditëve nga Qeveria Gjermane është thënë që çështja e emërimit të një Përfaqësuesi Special të BE është në dorën e Josep Borellit.
Ndërkaq, kancelarja gjermane ka ftuar edhe Albin Kurtin në Berlin, duke i shkuar kryeministrit të ri se “para jush dhe qeverisë tuaj ndodhen detyra të vështira”.
Sipas kancelares gjermane, forcimi i shtetit ligjor në Kosovë, lufta ndaj korrupsionit e krimit të organizuar dhe përmirësimi i gjendjes ekonomike janë “hapat qendrorë për forcimin e perspektivës evropiane të Kosovës.” Ndërsa i kujton Albin Kurtit edhe “dialogun për normalizimin e marrëdhënieve me Serbinë” si detyrat e rëndësishme të qeverisë së re. “Gëzohem t’iu pres në Berlin dhe iu uroj fat e suksese në realizimin e detyrave para jush”, e përfundon Merkel urimin e saj për kryeministrin e Kosovës, Albin Kurti./Fjala.al/
