Një bankë e nivelit të dytë është raportuar se është grabitur ditën e sotme në Durrës. Sipas të dhënave paraprake ka qenë një person me maskë, dhe i pajisur me armë, i cili ka kryer grabitjen.
Dyshohet se arma e përdorur ka qenë lodër.
Shuma e grabitur në këtë pikë kredie ka qenë 1 milionë lek, ndërkohë që ka edhe një tjetër paqartësi porsa i përket lajmërimit të policisë. Punonjësi i pikës lajmëroi policinë gati 40 minuta pasi ishte grabitur pika e kredisë.
Durrës/Informacion paraprak
Në Durrës, në lagjen nr 12, në një rrugë dytësore, në filialin e një banke të nivelit të dytë, rreth orës 14:24, një person ende i paidentifikuar dyshohet nën kërcënimin e një sendi të ngjashëm me armë zjarri pistoletë ka marrë lekët mbi banak, një shumë rreth 100.000 lekë dhe është larguar me vrap
Shërbimet e Policisë së Durrësit me marrjen e njoftimit janë vënë në ndjekje të autorit ku është rrethuar zona në një perimetër të gjerë.
Në kontroll të zonës është angazhuar edhe FNSH dhe forca e posaçme “Shqiponjat”, ku vijon kontrolli edhe me pika kontrolli në rrugica e rrugë kryesore.
Grupi Hetimor ka shkuar në vendngjarje dhe po vijon punën për administronin e çdo prove që do shërbejnë në identifikimin dhe më pas kapjen e autorit./Fjala.al
