Ministria e Infrastrukturës do të paguajë 700 milionë lekë për kompensimin e pronarëve të cilëve u merret prona për ndërtimin e veprave infrastrukturore. Në vitin 2020 është parashikuar që kostoja e shpronësimeve të jetë 300 milionë lekë, ndërsa për vitin 2021 do të jetë rreth 400 milionë lekë. Llogaritja është kryer në bazë të projekteve që ka ministria për ndërtimin e veprave infrastrukturore gjatë këtij viti dhe vitit të ardhshëm.
Të dhënat janë bërë të ditura nga Ministria e Energjisë dhe Infrastrukturës në planin 3-vjeçar të saj bën të ditur edhe të dhënat në lidhje me shpronësimet. Sipas ligjit në fuqi pronarët që u merret toka për ndërtimin e rrugëve apo veprave të tjera infrastrukturore kompensohen në bazë të vlerës së tregut për pasurinë e tyre. Autoriteti Rrugor Shqiptar që është institucioni përgjegjës për këto shpronësime duhet fillimisht të kryejë pagesën për pronarët që preken nga vepra dhe më pas të nis punën për zbatimin e projektit. Nga ana tjetër personat që u merret prona duhet të provojnë me dokumente që janë pronarët legjitim të sipërfaqen takuese ku do të zbatohet projekti për të marrë edhe kompensimin financiar.
Shpronësimet 700 milionë lekë
Në vitin 2020 300 000 000 lekë
Në vitin 2021 400 000 000 lekë
