Një ngjarje e pakëndshme ka ndodhur në ndeshjen midis Skënderbeut dhe Bylisit në qytetin e Korçës.
Në takimin që momentalisht është duke u kryesuar nga korçarët ka pasur përplasje dhe në minutën e 68-të të lojës ka ndodhur një rast në zonën e mallakastriotëve që u konsiderua penallti.
Vendimi i arbitrit ka tërbuar lojtarët e Bylisit dhe presidentin Besnik Kapllanaj, i cili i ka kërkuar skuadrës të dalë nga fusha, ndërsa më pas trajneri Dovedan ka debatuar me Pollozhanin, teksa pjesa më e madhe e lojtarëve të ka ndjekur urdhrin e kreut të klubit.
Ndër ta vetëm tre lojtarë kanë qëndruar për të mbrojtur zonën bashkë me portierin Hidi, duke larguar një gol të sigurt në këto minuta amullie totale.
Kjo ngjarje ka acaruar së tepërmi edhe trajnerin e Skënderbeut, Dajën, i cili është tejet i nxehur dhe ka reaguar ashpër ndaj sjelljes së kolegut të tij, teksa situata është qetësuar pas disa minutash dhe takimi ka rifilluar.
Rikujtojmë se presidenti i Bylisit është pezulluar me dy ndeshje nga Komisioni i Disiplinës dhe nuk dihet ende se çdo ndodh pas serisë së sotme./Fjala.al/
