Janë të paktën 61 persona të infektuar me koronavirus në një anije në Japoni. ky numër është më i larti me të prekur jashtë Kinës, në rang botëror.
Anija e quajtur “Diamond Princess” është e ankoruar në Yokohama, pranë Tokyo-s, me një staf prej 1045 personash dhe 2666 pasagjerësh. Ndërkohë në bord ndodhen edhe 428 shtetas amerikanë.
Anija është futur në karantinë qysh të martën dhe pritet që pasagjerët e saj të qëndrojnë në karantinë së paku 14 ditë.
Përpos kësaj anije, janë edhe 2 anije të tjera në Azi të cilat kanë ndërprerë udhëtimin e tyre për shkak të shpërthimit të koronavirusit. Njëra është ankoruar në Hong Kong, nën karantinë, ndërkohë që zyrtarët po përpiqen që të ndalojnë përhapjen e virusit.
Ndërsa anija tjetër ndodhet në detin e Kinës Lindore, por nuk ka mundur të ankorohet për shkak të frikës së infektimit me koronavirus.
