9 emra të njohur të botës kriminale në Shqipëri raportohet se janë referuar në Strukturën e Posaçme AntiKorrupsion dhe Kundër Krimit të Organizuar. Referimi është bërë nga “Operacioni Forca e Ligjit” pas plotësimit të formularit të pasurisë nga këta persona.
Drejtuesi i SPAK, Arben Kraja, pritet të zhvillojë një mbledhje me prokurorët për të diskutuar mbi materialet që vijnë nga OFL-ja dhe se si do të procedohet me to. Deri më tani nuk ka ndonjë kërkesë të SPAK në Gjykatën Kundër Krimit të Organizuar dhe Korrupsionit (GJKKO), mbi materialet e OFL-së.
