Edita Tahiri, ish-ministre e dialogut Kosovë-Serbi, kërkon nga Qeveria e Albin Kurtit që të japë shpjegimet e nevojshme për reciprocitetin që kërkon të zbatojë ndaj Serbisë dhe heqjen e taksës 100%.
Tahiri ka theksuar se para se të fillojë të zbatohet ky parim qeveria e re duhet ta shpjegojë në hollësi në Kuvend.
Sipas saj, deklarimet politike të kryeministrit Kurti për këtë çështje janë të pamjaftueshme. Tahiri ka vlerësuar se në fazën finale të dialogut me Serbinë, Kosovës i duhet një konsensus nacional.
“Kosova pati mjaft polarizime, tani është koha që gjërat të bëhen me një gjuhë të përbashkët”, ka thënë ajo për “Epoka e Re”.
Tahiri ka folur edhe për rolin e opozitës së re. Ajo ka thënë se shpreson që kjo opozitë të jetë konstruktive dhe jo sikurse opozita e kaluar.
