Një kompani e vogël iraniane thotë gjithë krenari se prodhon çdo vit mijëra flamuj amerikanë dhe britanikë vetëm që ata të shkatërrohen nga protestuesit.
Diba Parcham Khomein, në afërsi të qytetit Khomein prodhon 6.000 flamuj amerikanë dhe britanikë çdo vit.
Të gjithë flamujt e prodhuar do të shiten për rreth 2 dollarë për protesta dhe mitingjet që zhvillohen në Republike Islamike.
Pronari I fabrikës, Abolfazl Khanjani tha se tensionet e ndodhura vitet e fundit kanë trefishuar prodhimin.
Motra e tij Azam shprehet se i qep gjithë urrejtje flamujt, duke përmendur edhe vrasjen e gjeneralit të lartë Iranian, Qassem Soleiman. “Ndjenja ime është thjesht urrejtje kur i qep ata. Nuk më jep ndjenjë të mirë”.
Prapëseprapë Abolfazl Khanjani, shpreson për marrëdhënie më të mira midis Teheranit dhe Shteteve të Bashkuara në mënyrë që flamujt e tij të çmohen jo të digjen./Fjala.al
