Kamila Morrone është gruaja që i ka rrëmbyer zemrën aktorit Leonardo Di Kaprio, i cili njihej për preferencën e tij për biondet. Modelja argjentinase është shfaqur në rresht të parë në mbrëmjen e ndarjes së çmimeve “Oscar” 2020 mes Leonardo Di Kaprios, me të cilin është në lidhje që prej 2017 dhe Bred Pit.
Pas një numri të madh biondesh (nga Zhizel Byndshen, Nina Agdal, Toni Garn dhe Bar Refaeli), në fund aktori i famshëm duket se ka zgjedhur një brune, që e ka bërë të kapitullojë. Aktori dhe 22-vjeçarja kanë parakaluar në tapetin e kuq të ndarë, por në sallë janë ulur krah për krah njëri-tjetrit.
Leo është besnik i shprehjes “burrave u pëlqejnë biondet… por martohen me brune”, edhe pse një ngjashmëri me ish-et e tij Kamila i ka, është shumë e re. Argjentinasja është 23 vjet më e vogël se ai, por diferenca në moshë nuk është një problem për ta. “Ka shumë çifte në Hollivud dhe në botë, që funksionojnë pavarësisht diferencës së moshës. Mendoj që çdo njeri mund të dalë me kë i pëlqen”, – kishte deklaruar Morrone për “Los Angeles Times”.
Çifti në këto vite ka dashur të mos ekspozohet shumë, por për natën e “Oscar”, Leo ka dashur ta ketë në krah të tij. Di Kaprio ishte nominuar si aktori më i mirë protagonist për rolin e Rik Daltonit në “Ishte një herë… në Hollivud”. Por statuja shkoi për Joakin Feniks dhe ai gëzoi për çmimin si aktori më i mirë jo protagonist që mori Bred Pit. I pari që Bred përqafoi në skenë ishte pikërisht Di Kaprio, duke shprehur kështu të gjithë dashurinë e tij në lidhje me të.
