Derbi i Madonninës mund të cilësohet si një nga ndeshjet më spektakolare dhe të bukura të momentit.
Pjesa e parë e këtij takimi u mbyll me fitoren e Milan me rezultatin 2-0, ku u duk se e gjithë ndeshja ishte në duart dhe kontrollin e kuqezinjve.
Ndërsa fraksioni i dytë i takimit më të rëndësishëm në Itali erdhi krejt ndryshe, Interi mori kontrollin e situatës duke barazuar e më pas duke e përmbysur rezultatin me plot 4 gola si dhe mbajtën të paprekur portën e tyre.
Pavarësisht entuziazmit së triumfit,të gjithë ishin kureshtar të dinin se çfarë u tha trajneri Antonio Conte lojtarëve në dhomat e zhveshjeve, që këta të fundit u kthyen si “përbindësha” në 45-minutshin e dytë. Mediet italian e kanë zbardhur fjalimin e 50-vjecarit dhe duket se ai i ka folur skuadrës shumë qetësisht si dhe u ka kujtuar se janë plot 19 pikë diferencë para Milanit, për t’ju theksuar se janë dukshëm më të mirë.
“Edhe sa gola keni ndërmend t’i falni Milanit sot? Ata që deri para ndeshjes kishin grumbulluar 19 pikë më pak se ju, sot po duken lojtarë të mëdhenj. Ju jeni shumë më të fortë, por këtë duhet ta tregoni në fushë”,-ishin fjalët e trajnerit të Interit për lojtarët në pushimin e ndeshjes./Fjala.al/
