Gazment Bardhi, Sekretar i Përgjithshëm i Partisë Demokratike, është i mendimit se nëse drejtësia do të ishte lënë e lirë, Edi Rama do të kishte përfunduar në burg. Bardhi reagoi pas deklaratave të kryeministrit në Kuvend, ku foli për mbështetjen që po merr krimi i organizuar nga disa politikanë dhe njerëz të medias.
Por sipas Bardhit, Anti KÇK-ja duhet të nisë punën nga vila luksoze 2 milionë euro e Ramës.
Reagimi i plotë
Prej 6 vjetësh, Edi Rama është kryepolic, kryegjykatës dhe kryeprokuror dhe në vend që të luftojë krimin në çdo qelizë të shtetit, ka futur në burg mbi 30 mijë qytetarë që nuk paguajnë dot faturën e ujit dhe të energjisë elektrike.
Nëse Edi Rama do ta kishte lënë të lirë drejtësinë, Edi Rama do të kishte përfunduar pas hekurave të burgut si kryeministri që ka vjedhur me ministrat dhe me kriminelët e tij me qindra milionë euro para dhe pasuri publike!
AntiKÇK të nisë punën nga vila luksoze 2 milionë euro e Edi Ramës dhe nga shtëpitë e padeklaruara të Sandër Lleshajt!
