Kreu i Partisë Demokratike, Lulzim Basha del pothuajse çdo ditë në foltoren e Kuvendin duke akuzuar ministrat e Ramës për korrupsion, të lidhur me krimin apo se ka kanë përfituar tenderë publikë, por në fakt Basha nuk i njeh pjesën më të madhe të tyre. Madje, as emrat nuk ua thotë teksa përballet me fotot e tyre.
Në një çast kur Lulzim Basha ndodhej në hyrje të sheshit “Skënderbej”, është pyetur nga gazetarja e Tv Klan, se a i njeh ministrat e kabinetit Rama, kryedemokrati u përgjigj se i njihte të gjithë, por kur iu kërkua t’i tregonte me emër dhe mbiemër, aty i ngeci ‘sharra në gozhdë’.
Gazetarja: Kë njihni nga ministrat në foto?
Lulzim Basha: Të gjithë.
Gazetarja: Të gjithë?
Lulzim Basha: Sigurisht.
Gazetarja: Cilin?
Lulzim Basha: Ju e dini që i njoh të gjithë apo jo? Keni dalë që të pyesni njerëzit. Prit tani që të jemi të saktë. Me emër dhe mbiemër nuk i njoh të gjithë as unë.
Në një situatë të tillë kur as vetë kryedemokrati Basha nuk i njeh kundërshtarët e tij politikë, tregon se opozita nuk e ka fare në skaner qeverinë.
