Zëvendësministrja e Brendshme Rovena Voda ka zbuluara mbrëmjen e sotme disa prej pasurive që Njësia Speciale OFL i ka sekuestruar Lulzim Berishës, ish-kreut të bandës së Durrësit.
Voda ka thënë në emisionin “RepolitiX” se Lulzim Berishës i janë sekuestruar 20 pasuri me vlerë miliona euro që përfshijnë godina shumëkatëshe, komplekse të mëdha dhe pallate në bregdet.
“Sipërfaqe të mëdha toke, godina të mëdha shumëkatëshe, komplekse të mëdha, pallate në bregdet, dhe ka lindur e drejta e hetimit te personave të tretë. Prandaj nuk mund të flasim për kasolle“, ka thënë zv.ministrja e Brendshme Rovena Voda.
