Policia ka gjetur prova që mund të çojnë në gjetjen e trupit të pajetë të Jan Prengës. Rreth 1 kilometër nga resorti ‘Golden’, prej nga u nxor trupi i Prengës, policia ka gjetur një plastmas me njolla gjaku.
Ky send është sekuestruar në cilësinë e provës materiale dhe është çuar në laborator për analiza, raporton BW.
Jan Prenga u rrëmbye më 17 janar të këtij viti për shkak të konfliktit të vëllait të tij në Angli me një grup të strukturuar kriminal të trafikut të drogës.
Prenga mbeti i vdekur nga torturat, ndërsa autorët zhdukën trupin e tij, të cilin policia po vijon prej 1 muaji ta kërkojë, por ende pa asnjë rezultat.
