Drejtoria e Tatimeve ka dhënë informacion lidhur me monitorimin në terren të planit operacional 2020. Sipas tatimeve janë 946 kontrolle të ushtruara dhe 251 shkelje të legjislacionit tatimor. Mësohet se janë konstatuar 13 subjekte të paregjistruara;
Janë 30 tatimpagues të penalizuar për shkeljen e moslëshimit të kuponit tatimor (rasti i parë), ndërsa 5 tatimpaguesve u janë bllokuar ambientet për 30 ditë kalendarike për moslëshim kuponi tatimor (hera e dytë). Sipas tatimeve janë 36 tatimpagues u gjetën me punonjës të padeklaruar, nga të cilët 24 subjekte “biznes i vogël” dhe 12 subjekte “biznes i madh”. 6 tatimpagues janë konstatuar se nuk kanë pasur të instaluar pajisjet fiskale dhe 11 tjerë nuk i mbanin pajisjet fiskale në gjendje pune. Ndërkohë 54 tatimpagues janë konstatuar se dispononin mallra pa dokumentacion tatimor.
