Pasditen e së enjtes, presidenti serb, Aleksandar Vuçiç, është takuar me të dërguarin e posaçëm të Shteteve të Bashkuara të Amerikës për dialogun Kosovë-Serbi, Richard Grenell.
Takimi Vuçiç-Grenell ka ndodhur në Bavari, ku dy zyrtarët kanë shkuar për të marrë pjesë në Konferencën e Munihut për Siguri.
Në takimin e Munihut do të marrin pjesë edhe presidenti dhe kryeministri i Kosovës.
Presidenti serb ka shkruar në Twitter pas takimit me kryediplomatin amerikan, duke vënë theksin në largimin e taksës në mënyrë që dialogu të vazhdojë.
“Kemi pasur një bisedë të hapur dhe të sinqertë. Është e rëndësisë më të madhe që amerikanët insistojnë për largimin e tarifës. I jam falënderues Richard Grenellit, Mike Pompeos dhe Presidentit Trump për këmbënguljen që tarifat të hiqen urgjent, në mënyrë që negociatat tona me Prishtinën të vazhdojnë”, ka thënë ai.
