Agjenti i Paul Pogbas mund të thuhet se ka konfirmuar zërat për një transferim të lojtarit te Seria A, më konkretisht te Juventusi.
Pogba nuk ka kaluar një sezon të mirë te Manchester United, ndaj do që në fund të sezonit të largohet prej andej. Për këtë arsye drejtuesit e United kanë vënë një çmim për lojtarin dhe kërkojnë 100 milionë euro për kartonin e tij.
Dy skuadrat më potente dhe që duan me patjetër transferimin e lojtarit janë Real Madrid dhe Juventusi.
Megjithatë sot agjenti i tij, Mino Raiola ka thënë se Italia është shtëpia e Pogbas dhe se ai dëshiron të luajë në një klub të madh.
“Si për Ibrën, edhe për Pogba Italia është një shtëpi e dytë dhe ai nuk do të mendonte dy herë të shkonte përsëri te Juventusi, por ne do të flasim për këtë pas kampionatit europian. Ai dëshiron të garojë në nivelet më të larta, por ai me siguri nuk mund të largohet tani nëse gjërat nuk shkojnë mirë”,-është shprehur ndër të tjera Raiola./Fjala.al/
