Neymar mund të humbasë mundësinë e luajtjes në Champions League me Paris Saint-Germain. Braziliani lëndoi brinjët e tij gjatë fitores 5-0 të PSG-së ndaj Montpellier në 1 shkurt dhe megjithëse lëndimi nuk dukej serioz, ai ka humbur tre ndeshjet e fundit kundër Nantes, Lyon dhe Dijon.
Neymar tani po përballet me garën kundër kohës për të qenë i gatshëm për ndeshjen e parë të PSG-së në Champions League për fazën e 16-ave me Borussia Dortmund të martën e ardhshme.
“Unë nuk mund të garantoj 100% se ai do të jetë në gjendje të luajë kundër Dortmundit,” –tha të mërkurën Thomas Tuchel, trajneri i klubit francez.
“Ne do të shohim të premten … por nuk do të rrezikojmë shëndetin e tij.”-shtoi ndër të tjera gjermani.
Neymar ka humbur tre nga katër ndeshjet e PSG-së në knockout të Champions League gjatë kohës së tij në këtë klub. Pala franceze është zhdukur nga Evropa në fazën e 16-ë të fundit në secilën nga dy sezonet e fundit.
Neymar luajti ndeshjen e parë të barazimit 2017-2018 kundër Real Madridit, por humbi takimin dy, ndërsa lëndoi të dyja këmbët dhe doli jashtë loje në ndeshjen me Manchester United në 2018-2019./Fjala.al/Katerina Tafa/
