Presidenti Ilir Meta ka dekretuar këtë 14 shkurt ligjin për dhënien e amnistive në burgje. Gjithashtu ai ka dekretuar edhe pesë ligje të tjera të miratuara nga Kuvendi i Shqipërisë.
Nga dekretimi i ligjit të amnistive nga Presidenti pritet të përfitojnë lirinë rreth 180 të dënuar.
“Nga amnistia e këtij viti pritet të përfitojnë të gjithë ata meshkuj të dënuar me 2 vite burgim me vendi të formë së prerë deri në 30/9/2019, si dhe femrat dhe të miturit, të cilët janë dënuar me tre vite burgim. Risia e amnistisë të këtij viti është edhe fakti i të përfshirjes së të dënuarve me shërbim prove”
Konkretisht ligjet e dekretuara janë:
Ligji nr. 5/2020 “Për dhënie amnistie”;
Ligji nr. 6/2020 “Për pranimin e instrumentit të amendamentit të Kushtetutës së Organizatës Ndërkombëtare të Punës, 1986”;
Ligji nr. 7/2020 “Për ratifikimin e konventës së Minamatës “Për mërkurin”;
Ligji nr. 8/2020 “Për ratifikimin e marrëveshjes ndërmjet Këshillit të Ministrave të Republikës së Shqipërisë dhe Qeverisë së Republikës së Maqedonisë së Veriut për themelimin e qendrave kulturore dhe informative në Republikën e Shqipërisë dhe të qendrave kulturore dhe informative në Republikën e Maqedonisë së Veriut”;
Ligji nr. 9/2020 “Për aderimin e Republikës së Shqipërisë në aneksin VI të konventës ndërkombëtare detare “Për parandalimin e ndotjeve nga anijet, 1973”, të ndryshuar me protokollin e vitit 1978 (MARPOL 73/78)”;
Ligji nr. 10/2020 “Për ratifikimin e protokollit të gjashtë shtesë të Marrëveshjes për Forcën Shumëkombëshe të Paqes në Europën Juglindore”./Fjala.al
