Amsterdami njihet nga gjithë bota si destinacioni numër 1 për pushime të çmendura. Gati një e katërta e 4 milionë njerëzve e vizitojnë atë çdo vit për kafenetë ku shitet kanabis në mënyrë legale.
Së fundmi, deputeti Ard va nder Steur është shprehur se kjo do të ndryshojë. “ Mendoj që në fund të vitit tjetër nuk do të ketë më turizëm droge në Amsterdam. Kemi krijuar një industri të tmerrshme kriminale, që duhet ta ndalojmë”, u shpreh ai.
Kryebashkiakja, Femke Halsema është gjithashtu dakord me këtë iniciativë, pasi beson se në këtë mënyrë mund të zgjidhet problem shqetësues i mbiturizmit.
Shumë të tjerë ama nuk ndajnë të njëjtin mendim.
Michael Veling, pronari i kafenesë së famshme 420, shprehet : “Nuk mendoj se qeveria do të fitojë në këtë betejë. Por edhe nëse e bën, unë nuk do të diskriminoj në bazë të origjinës. Do të rifilloj shitjen e alkoolit (e paligjshme për kafenetë që nga 1996) dhe do të shes bar në banak.
