Ish-deputeti i LSI-së, Endrit Braimllari ka komentuar ligjin “anti-KÇK” , miratuar nga qeveria dhe vënë në zbatim nga Operacioni Forca e Ligjit.
Braimllari shprehet se i gjithë aksioni i anti KÇK është një show mediatik, që bëhet për të tërhequr vëmendjen nga skandalet.
“Anti KÇK nisëm anti-kushtetuese, show mediatik i sponsorizuar nga Rama. Rikthen policinë e diktaturës. I gjithë ky aksion show mediatik për të tërhequr vëmendjen nga problemet e përditshme në të cilën ndodhet vendi.
Shkatërrimi i ekonomisë, kosto e lartë e jetesës, pagat e ulta, mungesa e vendeve të punës, mungesa e investimeve në vend, shpopullimi i vendit dhe largimin e të rinjve nuk mund të mbulohen me një nisëm anti-kushtetuese të Edi Ramës.
Politika duhet të kthejë vëmendjen tek qytetarët. LSI angazhohet maksimalisht për të krijuar mundësi punësimi, vende pune të mirëpaguara, siguri publike dhe për të kthyer të rinjtë në vend me qëllim që ato të kontribuojnë në vendimmarrje por dhe në zhvillimim ekonomik të vendit”, ka thënë Braimllari, në një intervistë për Ora News.
