Lirimet me kusht të të dënuarve me rrezikshmëri të lartë kriminale, janë bërë shkak për nisjen e një hetimi në të gjitha burgjet ne vend. Drejtoria e Përgjithshme e Burgjeve po inspekton të gjitha dosjet e tri viteve të fundit, për të parë nëse ka shkelje të kryera nga punonjësit e edukimit apo të sektorit juridik, që mund të kenë favorizuar të dënuarit për të përfituar lirinë me kusht.
Urdhri i firmosur nga kreu i Burgjeve, Agim Ismaili, u është shpërndarë të gjitha burgjeve (IEVP) në vend dhe prej dhjetë ditësh janë duke u inspektuar dosjet e të dënuarve që kanë përfituar nga lirimi me kusht. Burimet nga Burgjet tha se të gjithë punonjësit që do të gjenden me shkelje, do të kallëzohen penalisht në prokurori. Të dënuarit, të cilët ja kanë dalë të fitojnë lirinë me kusht, kanë marrë në një farë mënyre edhe miratimin e zyrtarëve të burgjeve.
Kjo sepse në raportet dorëzohen në Gjykata, për pjesën dërrmuese të të dënuarve, punonjësit e burgjeve i kanë vlerësuar për sjellje shumë të mirë, edhe të dënuarit që paraqesin rrezikshmëri shumë të lartë shoqërore. Lirimet me kusht janë shndërruar në një shqetësim të madh kohët e fundit dhe për këtë shkak, Inspektori i Lartë i Drejtësisë, Artur Metani, tha se do t`i ketë prioritet të punës se institucionit që drejton. Kohët e fundit, gjykatat kanë liruar edhe të dënuar me burgim të përjetshëm, siç janë e Gert Gjenerali apo Endrit Dokle, ky i fundit ish-kreu i një prej fraksioneve të bandës së Durrësit, e konsideruar si një prej më gjakësoreve në vend. Referuar të dhënave bë het me dije se kryesisht në për burgjet nga akne dalë edhe emrat e bujshëm do të jetë edhe kontrolli me i detajuar. E megjithatë ata vijojnë lirinë! n.k/Fjala.al/
