Të shtunën media shtetërore kineze publikoi një fjalim të Presidentit Xi Jinping, rreth përfshirjes së tij ne masat e marra nga vendi ndaj koronavirusit.
Zyrtarët lokalë kinez janë kritikuar mbi mënyrën e menaxhimit të situatës pas shpërthimit të koronavirusit. Presidenti kinez është konsideruar me një pjesëmarrje minimale në përfshirjen e gjëndjes së rënduar që po kalon Kina.
Në fjalimin e publikuar, presidenti nuk sqaroi mënyrën se si ishte menaxhuar situate. Mesa duket Presidenti ka dhënë më 7 janar udhëzime mbi situatën dhe ka urdhëruar izolimin e provincës Hubei.
“Më 22 janar, në kushtet e shpërndarjes me shpejtësi të virusit e përballë sdash për ta parandaluar e kontrolluar atë, bëra një kërkesë të qartë që provinca Hubei të zbatonte kontrolle të rrepta e gjithëpërfshirëse për sa i takon lëvizjes së njerëzve”, tha ai gjatë një takimi me udhëheqësit e lartë të Partisë Komuniste.
Publikimi i një fjalimi të 3 shkurtit të Presidentit kinez ishte një përpjekje e dukshme për të demonstruar se Partia Komuniste kishte vepruar me vendosmëri që në fillim ndaj situatës, por nxiti gjithashtu kritika mbi arsyen se pse publiku nuk u njoftua më herët.
Zyrtarë të qytetit të Huanit, qyteti ku u shfaq për herë të parë virusi si dhe të provincës Hubei u shkarkuan nga detyra për shkak të asaj që u tha se ishte një përgjigje jo e duhur ndaj situatës emergjente të shkaktuar nga virusi.
