Rreth një vit e gjysmë nga vdekja e Kostandin Kacifas, në media publikohet lajmi se nga hetimet nga ka rezultuar se minoritari grek nuk është vrarë gjatë shkëmbimit të zjarrit me policinë shqiptare, por ka kryer vetëvrasje.
Por “Kush e donte luftën Shqipëri Greqi”, Kësaj pyetje të Artur Zheit në “360Gradë” iu përgjigjën në debat gazetarë dhe historianë.
Historiania Eleni Kocaqi thotë: “Nuk nevojitet që ekspertiza të kalojë dy vjet dhe ende të mos ketë dalë në përfundim. Ajo duhet të kishte dalë me kohë. Por ka një problem.
Ngjarja u paragjykua, sepse në fillim foli politika. Është politika që ka ndërhyrë në problematikën juridike. Foli në Tiranë por foli dhe në Athinë.
Në Athinë qarqet ekstremiste duan me çdo kusht që duan ta përdorin politikisht, ndaj ata duan të dali vrasje edhe po të jetë vetëvrasje.
Në të dyja raste, vrasje apo vetëvrasje, një tentativë me armë ndaj policisë, nuk lë shkak tjetër. Sepse ke qëlluar shtetin. Kjo ndodh në çdo vend të botës. Ky është ligj. Kjo mund t’i ndodhte çdo njeriu me çdo lloj kombësie”.
