Plot 1.15 miliard euro është shuma e mbledhur sot në Bruksel në Konferencën e Donatorëve për rindërtimin e zonave të dëmtuara në Shqipëri nga tërmeti i 26 nëntorit. Bashkimi Evropian, shtetet anëtare, por edhe shtete të ndryshme në botë kanë dhënë kontributin e tyre të jashtëzakonshëm për Shqipërinë duke i tejkaluar të gjitha pritshmëritë. Një sasi e konsiderueshme u dhurua edhe nga organizata të ndryshme dhe bankat evropiane dhe botërore.
Kjo shifër nuk ishte parashikuar as nga qeveria shqiptare dhe as nga Bashkimi Evropian. Sipas llogaritjeve të bëra nga autoritetet, për rindërtimin në Shqipëri duhej një shifër rreth 1.1 miliard euro, e cila duket se është arritur në konferencën e zhvilluar sot.
Për rindërtimin do të vendosën në dispozicion, përveç fondeve të Qeverisë, edhe disa miliona euro të mbledhura nga fondacionet shqiptare.
Vijon…
