Kapiteni i Kombëtares Shqiptare të Futbollit njëkohësisht mbrojtës i skuadrës së Napolit, Elseid Hysaj u dëmtua gjatë ndeshjes së mbrëmjes së djeshme që skuadra e tij luajti me klubin e Cagliarit.
Hysaj doli nga fusha në minutën e 80-ë të lojës, pasi u lëndua rëndë në gju. Menjëherë ditën e sotme ai i është nënshtruar nju sërë vizitash mjekësore dhe klubi i Napolit ka njoftuar se shqiptari ka një tërheqje të lehtë të ligamentit të gjurit të djathtë raportojnë mediat italiane.
Po ashtu mësohet se dëmtimi nuk është shumë i rëndë dhe mbrojtësi mund të jetë në gjendje që të luaj që në takimin e radhës që Napoli do ketë këtë fundjavë me Brescia-n./Fjala.al/
