Kapiteni i Barcelonës dhe 6-herë kampioni i botës në ‘Formula Uno’ u votuan nga Akademia “Laureus” si dy atletët më të spikatur të vitit që lamë pas.
Piloti britanik mori çmimin nga ish-trajneri i Arsenalit Arsen Venger, ndërsa “Pleshti” nuk mori pjesë në ceremoninë e mbajtur në Berlin, megjithatë përshëndeti të pranishmit me anë të një video-mesazhi.
“Ju kërkoj falje, por nuk munda të vijë në këtë event sonte. Dëshiroja të isha vërtet aty, por fatkeqësisht nuk mundem. Falënderoj Akademinë për këtë vlerësim që më dhatë. E vërteta është se ky është një çmim shumë i veçantë dhe jam i nderuar që jam i pari njeri nga sporti kolektiv që e fitoj këtë çmim. Faleminderit shumë!”- deklaroi Messi.
Messi dhe Hamilton kanë triumfuar në një garë të vështirë me emra të tjerë të spikatur të botës së sportit individual. Lionel Messi me këtë çmim thyen edhe një tjetër rekord duke u bërë i pari sportist nga një grup që fiton si individ. /Fjala.al/
