Aktualisht në kërkim, Gentian Doçi konsiderohet nga policia shqiptare si koka e organizatës kriminale, e cila realizoi pengmarrjen dhe më pas vrasjen e Jan Prengës në Kamëz në datën 17 janar të këtij viti. I konsideruar si një eksponent i krimit të organizuar dhe në kërkim ndërkombëtar, pamjen dhe identitetin e Gentian Doçit e njohin pak persona.
Ai dyshohet se ka ndryshuar së paku pesë mbiemra dhe së fundmi ka marrë mbiemrin Funoqi, që përkon me mbiemrin e dajove të tij. Sipas ët dhënave hetuesit ende besojnë se Gentjan Doçi vazhdon të fshihet në Shqipëri, diku në zonën e Dukagjinit dhe mendohet që ai ka lidhje edhe me njerëz të policisë. Por kjo mbetet për t’u konfirmuar në ditët në vijim ndërkohë që policia dhe prokuroria kanë në mbikëqyrje një prej grupeve më të fuqishme në Shkodër të cilët dyshohet se janë pjesë e bandës ku është i përfshirë edhe Gentjan Doçi
Dyshimet hidhen pas të dhënave operative që tregojnë se 38-vjeçari vazhdonte të jetonte i qetë në supervilën e tij në lagjen “Skënderbeg” të Shkodrës, edhe pse ai kërkohej në Itali prej shumë vitesh. Gentian Doçi mendohet të jetë një nga drejtuesit e një rrjeti trafiku droge, që ka influencë në vendet e Evropës. I quajtur si ‘Grupi i Dukagjinit’, emri i këtij rrjeti doli në skenë pas rrëmbimit të Jan Prengës. Ai shfaqet në datën 17 janar 2020, teksa konsumon kafe me bashkëshorten dhe ndërkohë në distancë, një person monitoron lëvizjet e tij.
Doçi është i vetmi që nuk ka pranuar të flasë në lidhje me dorëzanin që ka hyrë mes tyre dhe Prengëve për të liruar Pengun. Ndërsa i akuzuari tjetër, që sipas policisë dyshohet se ka marrë pjesë në këtë ngjarje, i ka thënë ‘plakut’ se është i gatshëm të bëjë benë me 24 burra në Kishë! n.k/Fjala.al/
