Kryeministri Edi Rama nuk dha një përgjigje konkrete kur u pyet nëse në planin e rindërtimit është parashikuar ose jo dëmshpërblim i plotë për personat që kanë dy shtëpi dhe të cilat janë dëmtuar nga tërmeti i 26 nëntorit.
Ai u pyet gjithashtu nëse do të marrin dëmshpërblim personat që kanë dy shtëpi dhe njëra prej tyre është dëmtuar, por sërish nuk dha përgjigje për shkak se nuk kishte dijeni për këtë pikë të programit.
“Nuk jam absolutisht i sigurt për këtë. Më gjete të papërgatitur. Raporti është përgatitur nga të tjerët”, tha Rama në emisionin “Real Story” në News 24.
Më tej, kryeministri shtoi: “Nëse të kamurëve të Tiranës u është çarë një mur, mund ta paguajnë vetë”.
