Kryeministri Edi Rama i është përgjigjur qëndrimit të presidentit Ilir Meta se Kuvendi duhet të rishpërndahet.
I pyetur nga analistët në studion e emisionit ‘Real Story’, se si do të zgjidhet kriza me presidentin për iniciativën e Kuvendit për shkarkimin e tij dhe reagimin e kreut të shtetit Rama u përgjigj se nga Meta ai pret gjithçka.
“Kundërsulm është term sportiv dhe ushtarak. Fallxhoret i ka Presidenti dhe unë nuk hedh fall. Nuk kam asnjë surprizë dhe nga Presidenti pres gjithçka edhe sikur të deklarojë mbylljen e gjithë kufijve. Më i mirë i mundshëm edhe në ato kushte ishte për opozitën, por për Shqipërinë jo.”, u shpreh Rama.
Sa i përket një marrëveshjeje të mundshme me kryedemokratin Lulzim Basha, kreu i qeverisë theksoi se është i gatshëm që të bashkëpunojë me të për një ‘17 maj’ tjetër në çdo kohë.
“Në çdo sekondë jam gati të bëj marrëveshje me opozitën. Zgjedhjet e parakohshme janë marrëveshje me popullin shqiptar dhe kam vetëm një gjë në kohë, procesin e rindërtimit.”, përfundoi Rama.
