Shtetet e Bashkuara të Amerikës do të rrisin shumën e donacionit për Shqipërinë. Në Konferencën e Donatorëve në Bruksel për rindërtimin e zonave të dëmtuara nga tërmeti i 26 nëntorit, Uashingtoni njoftoi se do të jepte një shumë prej 5 milionë dollarësh. Pjesa më e madhe e fondit do të shkonte për transparencën e fondeve të tjera.
Por kryeministri Edi Rama bën me dije se fondi i SHBA-së do të rritet. Ambasadorja Yuri Kim i ka konfirmuar sot në takim se fondi prej 5 milionë dollarë do të shtohet.
“Falenderoj ambasadoren e SHBA për lajmin e mirë se SHBA do ta rrisin shumën e deklaruar në Bruksel për Rindërtimin. Nisja e punës së përbashkët për Akademinë e Transparencës realizon një kërkesë tonën ndaj miqve të çmuar për ta bërë Rindërtimin shembull edhe në këtë aspekt”, shkruan kryeministri Rama.
