Terroristi rus që u kap në Shqipëri nga agjentët e antiterrorist, Rasul Mislaev, do të udhëtojë në drejtim të vendlindjes së tij, në Rusi.
Agjentët e policisë Ruse, kanë mbërritur në aeroportin e Rinasit në Shqipëri ditën e sotme, për të marrë Rasul Mislaev dhe për ta transportuar atë në Rusi. Në sallën e gjyqit Mislaev, është shprehur se nuk është terrorist, dhe se “terrorist është presidenti rus Vladimir Putin”.
Mislaev akuzohet për pjesëmarrje në organizatë terroriste. Në kampin e Kareçit ku u mbajt në Shqipëri ai prezantohej si “Maradona”. Tashmë me ardhjen e Rusëve në Shqipëri, Mislaev do të transferohet në Rusi për tu përballur me akuzat e ngritura nga drejtësia e këtij shteti.
