Nënkryetari i LSI-së, Petrit Vasili ka reaguar pas publikimit të dokumenteve nga presidenti Ilir Meta, për rrëmbimin e Gjykatës Kushtetuese janë dëshmi e rëndë e kapjes monstruoze sipas tij të shtetit.
Vasili përmes një postimi në rrjetin social Facebook, ironizon edhe SPAK-un, duke nënvizuar se pret të arrestojnë ndonjë fshatar për mur pa leje.
Ndër të tjera nënkryetari i LSI-së ka thënë se horrave ne parlament e ministri të drejtësisë, që e shndërruan shtetin në mafie ju bëjnë fresk dhe u fërkojnë kurrizin.
“Fakte monstruoze, që ulërijnë për rrëmbimin e Gjykatës Kushtetuese nga rilindja!(Dokumente)
Dokumentet e publikuara nga presidenti janë një dëshmi shumë e rënde e kapjes monstruoze të shtetit si kurrë ndonjëherë në këto tridhjetë vite pluralizëm.
Ku është prokuroria dhe policia???
Ku janë fshehur?
Ku është SPAK?
Apo po kërkon se ku do ta degdise dosjen.
Apo presin urdhrat e Edi Ramës.
Apo po kërkojnë ndonjë fshatar ta arrestojnë se ka bërë ndonjë mur pa leje dhe ta japin ne 20 televizione dhe 200 portale sikur zunë armikun e shekullit.
Ndërsa horrave në parlament e ministri te drejtësisë, që e shndërruan shtetin ne mafie ju bëjnë fresk dhe u fërkojnë kurrizin.
Ku është pra reforma në drejtësi???
Turp.
Shihini provat ulëritëse (dokumente) të rrëmbimit të shtetit nga banditet e qeverisë”, shkruan Petrit Vasili.
