Disa pamje të trishta janë kapur në momentin kur gruaja e shefit të një spitali në Wuhan i ka dhënë lamtumirën e fundit me lot në sy burrit të saj pasi virusi vdekjeprurës i mori atij jetën.
E shkatërruar, infermierja Cai Liping shihet në kamera duke qarë me të madhe dhe duke ndjekur fugonin që po merrte trupin e pajetë të burrit të saj nga një spital në epiqendrën e shpërthimit.
Partneri i saj, 51-vjeçari Dr. Liu Zhiming, u shpall i vdekur të martën në mëngjes pasi nuk e mposhti dot sëmundjen vdekjeprurëse ndërsa kishte një muaj që luftonte për jetën, sipas zyrtarëve shëndetësor të qytetit të Wuhan-it.
Dr Liu, ish drejtori i spitalit Wuhan Wuchang, ishte drejtuesi i parë i një spitali që humbi jetën nga virusi cili ka vrarë më shumë se 2.100 njerëz.
Ai sapo kishte festuar ditëlindjen një javë para vdekjes së tij dhe kishte refuzuar që gruaja e tij të kujdesej për të gjatë trajtimit të tij nga frika mos ajo merrte virusin prej tij, raportoi Hubei Daily.
Familja, miqtë dhe kolegët e tij u mblodhën jashtë degës Zhongfa Xincheng të Spitalit Wuhan Tongji të martën pasdite për t’i dhënë atij lamtumirën e fundit.
Një tjetër video e shpërndarë nga Hubei Daily tregon të afërmit dhe kolegët e tjerë të Dr. Liu të cilët qanin papushim ndërsa mbanin maska në fytyrën.
Cai, infermierja kryesore në njësinë e kujdesit Intensiv në Spitalin Nr. 3 Wuhan, nuk kishte qenë në gjendje të shihte burrin e saj për gati një muaj para se ai të vdiste./Fjala.al/Përshtati:Kamela Liko/Burimi:DailyMail
