Shi, borë dhe ulje temperaturash për pjesën më të madhe të ditës. Por nga e nesërmja do të ketë diell po edhe ngrica. Kështu sot moti me vranësira të dendura dhe reshje shiu do të vijojë në pjesën më të madhe të vendit, ndërsa reshje dëbore do të ketë në zonat e thella malore. Këto kushte atmosferike, sipas të dhënave mbeten deri në mesditë kur moti përmirësohet gradualisht duke zhvendosur vranësirat dhe reshjet drejt zonave juglindore. Nata rikthen kthjellimet në të gjithë vendin po dhe uljen drastike të temperaturave.
Sipas të dhënave temperaturat e ajrit ulen sërish në mëngjes dhe mesditë duke u luhatur në vlerat nga -1°C në 14°C. Era do fryjë mesatare dhe e fortë me shpejtësi 50 km/h nga drejtimi Verilindor duke krijuar në det dallgëzim 4-5 ballë.
Pjesa më e madhe e kontinentit tonë vijon në kushte të paqëndrueshme atmosferike, ku vranësirat e dendur, reshjet e shiut dhe stuhitë e dëborës do jenë dominuese. Pas të sotmes edhe në vendin tonë nuk do të ketë më reshje, ndërkohë deri ditën e hënë temperaturat do të jenë të ulëta. n.k/Fjala.al/
