Një baba, djali i të cilit u vra në një aksident automobilistik, ka dëgjuar sërish rrahjet e zemrës së djalit të tij. Në momentin që ndodhi aksidenti doktorët nuk i dhanë më shpresë, por ata konstatuan se 7 nga organet e tij mund të dhuroheshin.
5 ishin personat të cilëve iu dhuruan organet e Matthew, pas aksidentit që i mori jetën në tetor 2018.
Zemra e djalit iu dha Kristi Russ, e cila kishte pësuar një atak kardiak në vitin 2016 dhe kishte mosfunksionim normal të zemrës së saj.
Tragjedia për Jordan, babai nga Houston i tetë fëmijëve, rëndohet edhe më tej pasi humbi në mënyrë tragjike djalin tjetër 24-vjeçar Jonah në një tjetër aksident me makinë vetëm katër muaj më vonë.
Në një intervistë për “Yahoo Lifestyle”, babai u shpreh: “Të gjeja dikë që do mbante zemrën e djalit tim ishte shumë e rëndësishme për mua. Djali im ishte një atlet i kualifikuar dhe mendova se dikush e meritonte të mbante zemrën e një kampioni.”
Ai ishte shumë i lumtur kur takoi gruan që kishte në trup zemrën e djalit të tij. “U përlota dhe kur u përqafuam, mund ta ndjeja djalin tim në atë përqafim.” Më pas dëgjoi rrahjet e zemrës me stetoskop./Fjala.al/Burimi:Mirror
