Kryeministri Edi Rama ishte sot në Durrës për të ndjekur nga afër procesin e rindërtimit. Gjatë komunikimit me ndërtues dhe banorë, Ramës iu bë me dije se po haset në vështirësi në gjetjen e punëtorëve që do të punojnë në këtë proces.
Por kryeministri është i qartë në zgjedhjen e tij: “Vendet e punës që do të hapen në ndërtim janë pafund, në kuptimin e nevojës. Atë që e kapa aty thoshte jemi jurista. Do të marrim edhe punëtorë nga jashtë po të jetë nevoja. Vijnë punëtorë nga kontinente të tjera dhe ata të rrinë poshtë tek kafja se janë juristë.”
Muajt e fundit është vënë re një largim i madh i të rinjve nga Shqipëria drejt vendeve të Bashkimit Evropian, kryesisht në Gjermani. Shkak janë pagat e ulëta dhe kushtet e këqija të punës që ekzistojnë në Shqipëri.
Sipas Eurostat, në pesë vitet e fundit rroga minimale në Shqipëri është rritur me vetëm 3 euro.
