Italia tronditet sërish nga një vdekje shqiptari. Ishte vetëm 19 vjeç dhe studionte në shkollën e hotelerisë ndërkohë mësohet se ka vdekur menjëherë pasi është dërguar në spital nga shkolla. Mediet italiane flasin për një ngjarje të rëndë ku ende nuk dihen shkaqet që i morën jetën 19-vjeçarit shqiptar Osvlado Kenga.
Mediet vendase bëjnë me dije se një ngjarje tragjike ka ndodhur në Itali, teksa një student shqiptar ka humbur jetën. Mediet italiane raportojnë se ka ndërruar jetë 19-vjeçari shqiptar Osvaldo Kenga, i cili është ndjerë keq gjatë orës së mësimit dhe është dërguar menjëherë në spital. Siç raportojnë mediet fqinje, duke cituar mësuesit dhe studentët e tjerë, i riu ka pasur një dhimbje në gjoks.
Ai është nisur me urgjencë në spital, ku i është dhënë menjëherë ndihma mjekësore, por fatkeqësisht nuk ka mundur të mbijetojë. Studenti shqiptar jetonte prej vitesh në zonën e San Vito Lo Capo, ndërkohë që kanë nisur hetimet për të zbuluar shkaqet e vdekjes së tij. Në rrjetet sociale janë lënë me qindra mesazhe nga shokët e shkollës, të lagjes dhe nga kushdo që e ka njohur djalin shqiptar. Ai mësohet se ishte edhe pjesë e një skuadre basketbolli, ndërkohë që për të sjelljen, karakterin dhe talentin e tij është folur me superlativa.
Do të jenë hetimet dhe mjekësia ligjore që do të hedh dritë mbi këtë vdekje që brenda një jave është e dyta për shtetas shqiptarë në Itali. Vetëm një javë më parë në rrethana tejet misterioze humbi jetën 17-vjeçarja Aurora Grazini. n.k/Fjala.al/
