Me afrimin e datës 2 mars, në të cilën presidenti i vendit Ilir Meta ka paralajmëruar edhe protestën që do të mbajë në mbrojtje të Kushtetutës siç e cilëson ai, kanë filluar njëherësh edhe koret nacionaliste.
Kështu zëdhënësi i kreut të shtetit, Tedi Blushi ka bërë thirrje që shqiptarët të marrin pjesë në tubimin e 2 marsit, ndërsa falënderon të gjithë ata që e kanë mbështetur këtë kauzë. Ai nuk harron të sjellë në vëmendje edhe parullat e tilla si “Vdekje” grushtit të shtetit! Liri Shqipërisë dhe shqiptarëve”.
Me një shënim në Facebook, Blushi shkruan se nuk do të ketë asnjë hap pas për Presidencën, ndërsa paralajmëron “’vdekje’ grushtit të shtetit”.
“Faleminderit mijëra shqiptarëve për mesazhet e solidaritetit! Së bashku në 2 mars në Bulevardin “Dëshmorët e Kombit”! Asnjë hap pas! “Vdekje” grushtit të shtetit! Liri Shqipërisë dhe shqiptarëve! RROFTË KUSHTETUTA! RROFTË SHQIPËRIA! Për Kushtetutën Për Shqipërinë”, shkruan Blushi.
