Një italian është viktima e parë e virusit vdekjeprurës që vjen nga Kina, duke shënuar kështu viktimën e parë në Itali. Bëhet me dije se, viktima ka qenë një 78-vjeçar i infektuar i cili po trajtohej në spitalin e Schiavonias, Padova.
Sipas agjencisë së lajmeve ANSA, pacienti i identifikuar si Adriano Trevisan, i hospitalizuar më herët për rreth 10 ditë pasi vuante nga patologji të mëparshme, vdiq në spitalin e Schiavonia (Padova).
“Nuk kishte as kohë të transferohej”- tha guvernatori Zaia, çka tregon se 78-vjeçari nuk ishte karantifikuar sikurse 16 të infektuarit e tjerë.
“Ne kemi marrë të gjitha masat dhe jemi në dispozicion për të vijuar më tej nëse është e nevojshme”, tha kryeministri Giuseppe Conte në përfundim të takimit të jashtëzakonshëm në Mbrojtjen Civile, në të cilin morri pjesë edhe Ministri i Shëndetit.
“Ne sigurojmë të gjithë popullatën që për momentin kemi karantifikuar të gjithë personat që kanë rënë në kontakt me rastet e konfirmuara pozitivisht. Ne jemi të bindur që shërbimi kombëtar i shëndetësisë mund ta përballojë këtë sfidë”, theksoi Ministri i Shëndetësisë Roberto Speranza!
Ai vuri theksin në faktin se: “Ne kemi bërë një punë shqyrtuese shumë të kujdesshme, për të zgjedhur një nga një kontaktet e ngushta të këtyre njerëzve dhe po i verifikojmë ato një nga një. Mendojmë se kjo është mënyra më efektive për të bllokuar përhapjen e virusit “.
Autoritetet italiane tregojnë se ka arritur në 16 numri i rasteve të reja të konfirmuara pozitivisht me koronavirus në dy rajone veriore, Lombardi dhe Veneto.
