Pas reagimit të presidentit të republikës, Ilir Metës mëngjesin e sotëm për raportin që e kthen edhe një herë vendin tonë në sinjalin e vendeve ku pastrohen para, ka reaguar edhe shefja e dikasterit të Financave, Anila Denaj. Ajo u ndalua konkretisht tek ky raporte ndërsa bëri me dije edhe masat që janë marrë si prioritete në vazhdim nga ana e qeverisë. Ajo theksoi se prioritet i qeverisë ngelet goditja e pasurive të vëna nga krimi. Në një deklaratë për mediat, Denaj tha se hetimet për asete të sekuestruara deri më tani janë pozitive, ndërsa shtoi se Shqipëria ka shënuar progres në këtë aspekt.
“Hetimet për asetet e sekuestruara janë pozitive. Duhet rritje dënimi për akuzën “pastrim parash”. Shqipëria ka shënuar progres duke u ngritur në vlerësim për 6 rekomandime. Deri më tani janë 65 milionë euro të sekuestruara nga pasuritë e bllokuara. Po ashtu ka dhe një rritja në mënyrë domethënëse e konfiskimeve për bllokimin e pasurive të krimit. Operacioni Forca e Ligjit është shembull i qeverisë se puna ka filluar. Kemi angazhim të ndërsjellët për hetimet.
Në vend ka filluar puna për krijimin e dy regjistrave për pronat. Në këtë proces kanë kaluar dhe vendet e tjetra të rajonit si Serbia, Bosnjë Hercegovina. Në fjalën time theksova angazhimin e qeverisë për luftën kundër pastrimit të parave. Ky angazhim do të jetë më i lartë përgjatë 2020-ës. Kemi në fokus disa prioritete; Shqipëria do të punojë për të vazhduar planin e veprimit të kryerjes e një analize shtesë për rreziqet nga ‘pastrimi i parave’; Përmirësimin e trajtimit në kohë të kërkesave juridike; Krijimin e mekanizmave dhe zbulimin e aktiviteteve të tilla kriminale. Komunikimi ynë do të jetë i vazhdueshëm për mediet”!
