Janë identifikuar 8 personat që po marrin mjekim në spitalin e Traumës në kryeqytet, pasi u përfshin në një aksident automobilistik në Gramsh. Mjeti tip fouristradë me të cilin udhëtonin 10 persona doli mbrëmë nga rruga në fshatin Çekrez, duke shkaktuar vdekjen e dy shtetasve sirianë.
Aktualisht në spital ndodhen:
-Mikel Gjeli, 28 vjeç, banues në Tiranë.
-Seif Azxherbahit, 23-vjeç.
-Ali Qerredi, 24 vjeç.
-Abdyl Aliasiu, 26-vjeç.
-Një tjetër 26 vjeçar, emri dhe mbiemri nuk dihen ende.
-Syrjan Hamat, 32-vjeç.
-Muhamet Nurhisi, 33-vjeç.
-Arnaif Merzhid, 40-vjeç.
Kthesa e fortë në rrugën e fshatit Çekrez të Gramshit dhe mbingarkesa në mjetin fouristradë kanë ndikuar te shoferi që të humbasë kontrollin dhe të dalë nga rruga.
Shqipëria është përdorur vazhdimisht si rrugë kalimi për shumë refugjatë nga Siria dhe shtete të tjera të Lindjes së Mesme që synojnë Evropën Perëndimore, kryesisht Gjermaninë. Deri më sot kjo është ngjarja më e rëndë ku përfshihen refugjatë nga Siria.
