Ministrja e Drejtësisë, Etilda Gjonaj kallëzohet penalisht në SPAK. Është Presidenti i Republikës, Ilir Meta, që do depozitojë në Prokurorinë e Posaçme kallëzimin ndaj Gjonajt.
Meta e akuzon ministren se është bërë pjesë e asaj që e quan “grusht shteti” në përpjekjen e mazhorancës për të kontrolluar Gjykatën Kushtetuese.
“Presidenti i Republikës Sh.T.Z Ilir Meta do të depozitojë sot personalisht në ora 13:00, në Prokurorinë e Posaçme SPAK, kallëzimin penal për Ministren në detyrë të Drejtësisë, Etilda Gjonaj dhe funksionarë të tjerë të lartë të përfshirë në veprimtari të rëndë kriminale, në funksion të grushtit të shtetit”, thuhet në reagimin e Tedi Blushit, zëdhënës i Presidentit.
