Albin Kurti, kryeministër i Kosovës, ndodhet në Londër për të marrë pjesë në Samitin e Bankës Evropiane për Rindërtim dhe Zhvillim. Në samitin që i çel punimet nesër, janë të ftuar liderët e Ballkanit Perëndimor dhe zyrtarë të organizatave të shumta.
Raportohet se qeveria e Kosovës do të paraqitet në samitin e BERZH me projekte specifike, për të cilat do të kërkojë fonde nga donatorët për financimin.
E pranishme në samit do të jetë edhe kryeministrja serbe, Ana Brnabiç.
Midis Kurtit dhe Brnabiç kjo do të jetë përballja e parë që kur lideri kosovar hyri në zyrën e kreut të qeverisë së Kosovës.
Në Konferencën e Sigurisë të Mynihut, e zhvilluar pak ditë më parë, Albin Kurti pati një përballje me presidentin serb, Aleksandar Vuçiç, kur tha se “është koha që Serbia të clirohet nga Kosova” dhe për këtë kërkoi edhe ndihmën e partnerëve evropianë.
