Chelsea do të presë sot Bayern Munchin në ndeshjen për raundin e 16-t të Champions League.
Ekipet do të përballen sonte në orën 21:00 në “Stamford Bridge” në një sfidë ku të dyja skuadrat do tentojnë të marrin me patjetër fitoren.
Trajneri i Chelseas Frank Lampard nuk mund të llogarisë në këtë takim të vështirë Callum Hudson-Odoin, N’Golo Kanten dhe Christian Pulisic, që janë të lënduar, ndërsa në dilemë është paraqitja e Pedros.
Ndërsa nga ana tjetër, Hans-Dieter Flick do të jetë pa lojtarët si, Javier Martinez, Ivan Perisic dhe Niklas Sule, që janë po ashtu të lënduar, megjithatë gjermanët shihen si favoritë për ta fituar përballjen e parë.
Formacioni i mundshëm i Chelseas: Caballero; Azpilicueta, Christensen, Rudiger; James, Jorginho, Kovacic, Alonso; Barkley, Mount; Abraham.
Formacioni i mundshëm i Bayern Munich: Neuer; Pavard, Hernandez, Alaba, Davies; Kimmich, Thiago; Coman, Muller, Gnabry; Lewandowski./Fjala.al/
