Ndërsa sheiku Al-Thani gradualisht po nxirret jashtë skuadrës, Antonio Aguilera, kryetari i grupit të aksionerëve të pakicave te Malaga ka bërë me dije se një grup amerikan i lidhur me aktorin George Clooney do që të blejë klubin.
Ky lajmë është bërë publik nga “AS” e cila raporton se kërkesat e Al-Thani (100 milion €) janë ende shumë të larta për kompaninë amerikane audiovizuale.
Megjithatë duket se gjithçka mund të arrihet pasi aktori i njohur është i tërhequr jashtë mase nga ideja e blerjes së klubit të njohur, ku luajnë dhe do futbollistët e Kombëtares Shqiptare të Futbollit Armando Sadiku dhe Keidi Bare.
Clooney po qëndron në Malaga prej kohësh pasi janë krijuar disa studio televizive që punojnë për Hollywood-in dhe nga ato ka lindur ideja për të blerë klubin.
Duket se negociatat po vazhdojnë prej disa javësh, pasi producentët i ka tërhequr ideja për të krijuar një “reality show” me jetën e përditshme të klubit.
Nëse kjo gjë do të finalizohet atëherë mund të fillojë prodhimi shumë shpejt, për t’i treguar publikut të gjerë se si është futbolli profesionist 24 orë në 24.
Ka ndodhur edhe më parë të jenë zhvilluar disa “reality show” të bazuara mbi futbollin, por ata kanë qenë në nivelet e ulëta të kampionateve të ndryshme, mes amatorëve./Fjala.al/
